ટ્રમ્પને અધધ.. 29000 કરોડનો દંડ : છેતરપિંડી કરીને રિયલ એસ્ટેટ સામ્રાજ્ય બનાવ્યું
- 17 Feb, 2024
અમેરિકન પૂર્વ પ્રમુખ ડોનાલ્ડ ટ્રમ્પની મુશ્કેલી વધતી જઈ રહી છે. હવે અમેરિકન પૂર્વ પ્રમુખ ડોનાલ્ડ ટ્રમ્પ વિરુદ્ધ સિવિલ ફ્રોડ કેસમાં મોટી કાર્યવાહી કરવામાં આવી છે, જેમાં ન્યૂયોર્કની એક કોર્ટે પૂર્વ પ્રમુખ ડોનાલ્ડ ટ્રમ્પ પર મોટો દંડ ફટકાર્યો છે.
કોર્ટે ડોનાલ્ડ ટ્રમ્પ અને ટ્રમ્પ ઓર્ગેનાઈઝેશન વિરુદ્ધ કાર્યવાહી કરીને લગભગ 355 મિલિયન અમેરિકન ડૉલર એટલે કે 29.46 હજાર કરોડ રૂપિયાનો દંડ ચૂકવવાનો આદેશ આપ્યો છે. આ ઉપરાંત કોર્ટના આદેશમાં એમ પણ કહેવામાં આવ્યું છે કે ટ્રમ્પે દંડની રકમ પર લાખો ડોલરનું વ્યાજ પણ ચૂકવવું પડશે. આ સિવાય કોર્ટે ડોનાલ્ડ ટ્રમ્પને ન્યૂયોર્ક કોર્પોરેશનમાં અધિકારી કે ડિરેક્ટર તરીકે કામ કરવા પર પણ પ્રતિબંધ લગાવી દીધો છે.
કોર્ટે કહ્યું છે કે પૂર્વ પ્રમુખ રાજ્યની અન્ય કોઈ કાનૂની સંસ્થાઓમાં ત્રણ વર્ષ સુધી કોઈ પણ પદ પર રહી શક્શે નહીં તેમજ કોઈપણ રજિસ્ટર્ડ કંપની માટે કોઈપણ નાણાકીય સંસ્થા પાસેથી લોન માટે અરજી કરી શક્શે નહીં. કોર્ટે પોતાના નિર્ણયમાં કહ્યું છે કે 'ડોનાલ્ડ ટ્રમ્પે છેતરપિંડી કરી છે અને તેમની કંપનીઓની સંપત્તિના મૂલ્યમાં અતિશયોક્તિ કરી છે.' મેનહટન કોર્ટના આ 90 પાનાના નિર્ણયને કારણે ડોનાલ્ડ ટ્રમ્પનું રિયલ એસ્ટેટ સામ્રાજ્ય જોખમમાં છે. ઉલ્લેખનીય છે કે આ કેસની સુનાવણી લગભગ ત્રણ મહિનાથી કોર્ટમાં ચાલી રહી હતી
પૂર્વ પ્રમુખ ડોનાલ્ડ ટ્રમ્પ અને તેમના પુત્રો પર બેંકો અને વીમા કંપનીઓ સહિત અન્યો સાથે છેતરપિંડી કરીને વિશાળ રિયલ એસ્ટેટ સામ્રાજ્ય બનાવવાનો આરોપ છે. આ ઉપરાંત ટ્રમ્પ અને તેમના પુત્રો પર તેમની સંપત્તિને નફો કરવા માટે અતિશયોક્તિ કરવાનો પણ આરોપ છે. જોકે, ટ્રમ્પ અને તેમના પુત્રોએ કોઈપણ પ્રકારની ગેરરીતિનો ઈન્કાર કર્યો છે. પૂર્વ અમેરિકી પ્રમુખે આ મામલાને તેમની સાથે છેતરપિંડી ગણાવી છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
.webp)
.webp)
.webp)
.webp)