ગુજરાત વંદન

ઇન્ડિગો એર કાર્ગોમાંથી. 33.14 લાખનું સોનું ગાયબ : અજાણ્યા શખ્સો વિરુદ્ધ એરપોર્ટ પોલીસ મથકમાં ફરિયાદ..

22 Apr, 2024

એરપોર્ટ પર ઇન્ડિગો એરલાઇન્સના કાર્ગો વિભાગ મારફતે પટણા 33.14 લાખનું પાર્સલ ડિસે. 2023માં મોકલવામાં આવ્યું હતું. પરંતુ પાર્સલ આજદીન સુધી ત્યાં પહોંચ્યું જ નથી. જેથી બ્રાન્ચ મેનેજરે ચોરીની ફરિયાદ એરપોર્ટ પોલીસ મથકમાં કરતા પોલીસે તપાસ શરૂ કરી છે.

શહેરના ગોતા વિસ્તારમાં રહેતો 32 વર્ષિય જગદીશ હરગોવનદાસ દરજી એલિસબ્રિજ ખાતે આવેલ બીવીસી લોજેસ્ટીક પ્રા.લી.માં બ્રાન્ચ મેનેજર તરીકે નોકરી કરે છે. જગદીશની કંપની ગોલ્ડ જ્વેલરી, સિવ્લર જ્વેલરી તથા વેલ્યુએબલ ચીજ વસ્તુનું ટ્રાન્સપોર્ટેશન કરવાનું કામ કરે છે. 18 ડિસે. 2023ના રોજ કંપનીની રાજકોટ ટીમના મેનેજર રાજ મહેસુરીયાની ટીમે રાજકોટ ખાતે લોટસ જ્વેલરી ક્રિએશ નામની દુકાનમાંથી 536.524 ગ્રામ ગોલ્ડ કે જેની કંમત 33.14 લાખ થાય તે પાર્સલ અમદાવાદ મોકલવામાં આવ્યું હતું. 19 ડિસે.ના રોજ તે પાર્સલ અમદાવાદથી પટણા ઇન્ડિગો એરલાઇન્સ કાર્ગો વિભાગ દ્વારા પટણા મોકલવામાં આવ્યું હતું. જેથી તે પાર્સલ રીસીવ કર્યા બાદ પટણા મોકલવાની પહોંચ પણ કંપનીને મળી ગઇ હતી.

જો કે, તે પાર્સલ પટણા પહોંચ્યું જ ન હોવાનો ફોન આવ્યો હતો. જેથી જગદીશે કાર્ગો મેનેજર અનુપ નાયરનો સંપર્ક કર્યો હતો. ત્યારે તેણે ચકાસી અપડેટ આપવા જણાવ્યું હતું. પરંતુ થોડા દિવસો સુધી અપડેટ ન મળતા ફરી જગદીશ તપાસ માટે ગયો હતો પરંતુ કંઇ જ પરિણામ મળ્યું ન હતું. જેથી આ મામલે ઇમેલ દ્વારા કંપનીને જાણ કરવામાં આવી હતી. પરંતુ આજદીન સુધી પાર્સલ ન મળતા જગદીશે અજાણ્યા શખ્સો સામે ચોરીની ફરિયાદ એરપોર્ટ પોલીસ મથકમાં કરી છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0